Իմփաքթ Հաբ Երևանը կրկին գործի է անցել՝ համախմբելով իր համայնքը ևս մեկ Impact for Breakfast միջոցառման շուրջ։
Այս անգամ միջոցառումը տեղի ունեցավ 2023 թվականի մարտի 30-ին, Ground Zero մասնագիտացված սրճարան-բովարանում։ Երևանյան այս սրճարանն ունի հյուրընկալ և հարմարավետ միջավայր անձնական ու մասնագիտական աճի համար՝ առաջարկելով առողջ սնունդ, խմորեղեն, գինի և բարձրորակ սուրճ ողջ աշխարհից։ Շատ առումներով Ground Zero-ի և Իմփաքթ Հաբ Երևանի առաքելությունները համընկնում են՝ այդպիսով սրճարանը դարձնելով միջոցառման անցկացման համար շատ հարմար վայր:
Այս անգամվա թեման էր «Նավիգացիոն ֆինանսավորում. Տիպիկ ներդրումն ընդդեմ սոցիալական ազդեցության ներդրման»։
Այս միջոցառման նպատակն էր համախմբել տարբեր ոլորտների ֆինանսական մասնագետներին, ներդրողներին և այլ շահագրգիռ կողմերի՝ երկխոսելու և Հայաստանում ազդեցիկ ներդրումների համար ամուր հիմքեր ստեղծելու համար: Նախորդ Impact for Breakfast միջոցառման ժամանակ ունեինք հրավիրյալ բանախոս, ինչպես նաև հարց ու պատասխանի հնարավորություն։ Բայց այս անգամ այն ուներ ավելի շատ բաց քննարկման ձևաչափ բոլոր մասնակիցների համար և չկային պաշտոնական խոսնակներ։
![](https://viafund.net/wp-content/uploads/2023/05/PXL_20230330_055354631-1-1024x576.webp)
Նազարեթ Սեֆերյանի պրոֆեսիոնալ մոդերատորությամբ մասնակիցները բաց և ազնիվ քննարկեցին բարձրացվող թեմաները:
Զրույցը հետաքրքիր բանավեճի առիթ դարձավ մասնակիցների միջև։ Մի կողմը պնդում էր, որ սոցիալական ազդեցության ներդրումն առավելապես համապատասխանում է «բարեգործական գրպանին», մինչդեռ մյուսները հակադարձեցին այս կարծիքին ու ենթադրեցին, որ ազդեցություն ունենալուց բացի այն կարող է շահութաբեր լինել նաև բիզնեսի համար։ Մասնակիցներից մեկը մատնանշեց, որ սոցիալական ազդեցության ներդրումը ոչ միայն գումար աշխատելն է, այլև հասարակության և շրջակա միջավայրի վրա դրական ազդեցություն ունենալը:
«Սոցիալական ազդեցության բնութագրիչ սկզբունքներն են մտադրությունը, հավելյալությունը և չափելիությունը։ Սա նշանակում է, որ ներդրումներն ունեն ազդեցություն առաջացնելու ուղղակի մտադրություն, այդ ազդեցությունը չէր լինի առանց ազդեցության, և այն պետք է հստակ չափվի»,-Նազարեթ Սեֆերյան, ԵՎՄԱ:
Մասնակիցները քննարկեցին, թե ինչպես կարելի է սոցիալական ազդեցության ներդրումն օգտագործել որպես գործիք թե՛ սոցիալական ձեռնարկություններին աջակցման, թե՛ Հայաստանի սոցիալ-տնտեսական աճի խթանման համար։
![](https://viafund.net/wp-content/uploads/2023/05/DSC_0098-2-1-1024x768.webp)
«Կա տարբերություն սոցիալական ազդեցությամբ ներդրումների և սոցիալական ազդեցության համար ներդրումների միջև»,-Վահագն Ոսկանյան, ԱրմԹեք Իմփաքտի վենչուրային գործընկեր:
Սոցիալական ազդեցությամբ ներդրումներ կատարելու դեպքում առաջնային խնդիրը կարող է լինել ֆինանսական շահույթ ստանալը, սակայն հաշվի են առնվում նաև ESG-ի սկզբունքները կամ մեկ այլ ազդեցություն։ Մինչդեռ սոցիալական ազդեցության համար ներդրումներ կատարելիս առաջնային խնդիրն ազդեցությունն է, իսկ ֆինանսական եկամուտներն ավելի ցածր առաջնահերթություն ունեն:
Այս տեսակետը հավանության արժանացավ խմբի մյուս անդամների կողմից, ովքեր ընդգծեցին նախագծերում ներդրումներ կատարելու կարևորությունը, որոնք համապատասխանում են իրենց արժեքներին և դրական ազդեցություն կունենան աշխարհի վրա:
Կարևոր է նաև հետագա քայլեր ձեռնարկել այս ձեռնարկություններին ոչ միայն ֆինանսական աջակցություն տրամադրելու, այլև ավելի մեծ ուշադրությամբ կենտրոնանալու սոցիալական ազդեցության կառավարման և չափման գործընթացի վրա: Մի կողմից՝ առկա է սոցիալական ազդեցություն, սակայն մյուս կողմից՝ մենք չունենք հստակ պատկերացում, թե որքան խորն է այն, որպեսզի բարձրացնենք իրազեկվածությունն ու մեծացնենք մեր ջանքերի տեսանելիությունը:
![](https://viafund.net/wp-content/uploads/2023/05/DSC_0108-2-1-1024x683.webp)
Տվյալների վրա հիմնված ազդեցությունը պետք է լինի ներդրումների վերաբերյալ որոշումների կայացման գործընթացի հիմնական գործոնը:
Քննարկման առանցքային կետերից էր նաև սոցիալական ազդեցության ներդրումների ոլորտում կրթության և ուսուցման խթանման անհրաժեշտությունը, հատկապես երբ խոսքը ներդրողներին և ձեռնարկատերերին կրթելու մասին է, թե ինչպես չափեն ազդեցությունն ու գնահատեն իրենց ներդրումների սոցիալական և բնապահպանական ազդեցությունը:
Բացի այդ, արծարծվել են սոցիալական ազդեցության ներդրումային տարածքում թափանցիկության և հաշվետվողականության մշակույթի ձևավորման կարևորության մասին կետեր: Փաստացիորեն VIA ֆոնդի ուշադրության կենտրոնում սոցիալական ձեռնարկությունների հետ աշխատանքն է, որոնք փոքր ազդեցություն ունեցող փոքր բիզնեսներ են։ Այսպես ֆոնդը հույս ունի զարկ տալ այս մշակույթի ծաղկմանը։
Այսպիսով, միջոցառման հիմնական եզրակացություններից մեկը սոցիալական ազդեցության ներդրումների մասին իրազեկվածության բարձրացումն էր և դրա շուրջ ավելի ուժեղ էկոհամակարգ կառուցելու անհրաժեշտությունը:
Զրույցի ընթացքում անդրադարձ եղավ նաև ներդրումային ճիշտ հնարավորություններ գտնելու մարտահրավերներին և թե ինչպես հավասարակշռել ֆինանսական եկամուտները սոցիալական և բնապահպանական ազդեցության հետ: Մասնակիցներից մեկն ընդգծեց երկարաժամկետ տեսլական ունենալու և համբերատար լինելու կարևորությունը, երբ խոսքը սոցիալական ազդեցության ներդրումների մասին է:
![](https://viafund.net/wp-content/uploads/2023/05/DSC_0122-2-1-1024x683.webp)
Ընդհանուր առմամբ միջոցառումը հաջողված էր։ Մասնակիցները հեռացան՝ ավելի լավ հասկանալով, թե ինչ է սոցիալական ազդեցության ներդրումը և ինչ դեր այն կարող է ունենալ Հայաստանում սոցիալական ձեռնարկություններին աջակցելու գործում:
Impact for Breakfast Network-ը շարունակում է հարթակ տրամադրել համախոհ անհատների համար՝ համախմբվելու և գաղափարներով փոխանակվելու համար:
«Հայաստանում աշխատում եմ արդեն 5-6 տարի և երբեք չեմ մասնակցել սոցիալական ազդեցության թեմայով նման քննարկման»,-Հովիկ Մազեդջյան, «Ամունդի- Ակբա Ասեթ Մենեջմենթ»-ի գլխավոր տնօրեն։
Impact for Breakfast ցանցի Երևանի ներկայացուցչությունը հիանալի հնարավորություն է բոլոր նրանց համար, ովքեր հետաքրքրված են սոցիալական ազդեցության ներդրումներով և սոցիալական ձեռներեցությամբ, ցանկանում են շփվել Հայաստանի ապագայի վերաբերյալ նույն նպատակներն ու տեսլականներն ունեցող այլ անձանց հետ:
Միանալով Երևանի մասնաճյուղին՝ անդամները կտեղեկանան առաջիկա իրադարձությունների մասին և հնարավորություն կունենան մասնակցելու ոլորտի փորձագետների հետ քննարկումներին: Միանալու համար գրանցվե՛ք:
«Համագործակցություն հանուն սոցիալական ազդեցության» ծրագիրը ֆինանսավորվում է Հայաստանում Եվրոպական միության կողմից։ Այն իրականացնում է ԵՎՄԱ-ն՝ Հայաստանում Իմփաքթ Հաբ Երևանի հետ համատեղ։ Այս հրապարակումը պատրաստվել է Եվրոպական միության ֆինանսական աջակցությամբ։ Սույն հրապարակման բովանդակության պատասխանատուն բացառապես Համագործակցություն հանուն սոցիալական ազդեցության ծրագիրն է և ոչ մի դեպքում չի կարող դիտվել որպես Եվրոպական միության դիրքորոշման արտացոլում: