Տոնելով ՎԻԱ Ֆոնդին միացած նոր ընկերությունների դրական ազդեցությունները
Մենք ուրախ ենք հայտարարելու, որ չորս ոգեշնչող և ազդեցիկ սոցիալական ձեռնարկատիրություններ միացել են ՎԻԱ Ֆոնդին: Այս ընկերությունները նպատակ ունեն Հայաստանում դրական փոփոխություններ իրականացնելու և ունեն եզակի առաքելություններ, որոնց նպատակն է հզորացնել կարիքավոր համայնքներին, խթանել ներառականությունը և զարգացնել կայուն գործելակերպը: Ստորև կարող եք կարդալ յուրաքանչյուր ընկերության մասին` ընդգծելով նրանց ազդեցության առաքելությունները, թիրախային շահառուները և ապագա ծրագրերը: Պատրաստվեք ոգեշնչվել նրանց ճկունության, նորարարության և սոցիալական վերափոխման պատմություններով:
«Հայրենիքի զարգացման նախաձեռնություն» հիմնադրամ
HDIF-ը սոցիալական ձեռնարկություն է, որը հիմնադրվել է 2013 թվականին, և նպատակ ունի Հայաստանում հնարավորություններ ստեղծել կանանց և հաշմանդամություն ունեցող անձանց համար: HDIF Trading LLC-ն` խանութ և արտադրությունը, հնարավորություն է տալիս եկամտի աղբյուր ունենալ, այն մարդկանց, ովքեր դուրս են մնացել համաշխարհային շուկայից: HDIF-ն աջակցում է տեղական արհեստավորներին՝ օգտագործելով նրանց ավանդական ձեռագործության հմտությունները և նրանց տրամադրելով վերապատրաստում և կրթություն բիզնեսում: HDIF-ն առանձնանում է իր յուրահատուկ պատմությամբ, որը հյուսված է յուրաքանչյուր եզակի ստեղծագործության մեջ: Նրանց Արդար Առևտրի հավաստագրված արտադրանքը, որը ճանաչված է ամբողջ աշխարհում, արտացոլում է Հայաստանի հնագույն ժառանգությունը և նրա արհեստավորների մանրակրկիտ ուշադրությունը մանրուքների նկատմամբ:
Ողջ երկրում ունենալով ավելի քան 235 արտադրողներ` հիմնականում կանայք, HDIF-ը նպատակ ունի էլ ավելի հզորացնել իր ազդեցությունը՝ ընդլայնելով արտադրությունը, ստեղծելով արտադրողների նոր խմբեր և ավելացնելով արտահանման վաճառքները: Դրանք օգնում են աշխատատեղեր ստեղծել խոցելի կանանց, փախստականների և հաշմանդամություն ունեցող անձանց համար՝ ապահովելով նրանց կայուն եկամտի հնարավորություններով:
ԶարՄան խաղալիքներ
ԶարՄան-ը դիզայներական լաբորատորիա է, որը մասնագիտացած է էկոլոգիապես մաքուր դիդակտիկ խաղերի, խաղալիքների և խոսող նոթատետրերի մեջ: Նրանց նպատակն է մշակել խաղալիքներ, որոնք ոչ միայն զվարճացնում են, այլև նպաստում են երեխաների զարգացմանը: Յուրաքանչյուր խաղալիք մանրակրկիտ պատրաստված է ձեռքով, օգտագործելով նյութեր և ներկեր, որոնք անվտանգ են երեխաների և շրջակա միջավայրի համար: Մասնագետների ներգրավվածությունը երաշխավորում է, որ ԶարՄան խաղերը նախատեսված են հատուկ հմտություններ զարգացնելու համար, ինչպիսիք են հուզական ինտելեկտը և շարժիչ հմտությունները/մոտորիկան: ԶարՄանը առանձնանում է համայնքին վերադարձնելու իրենց հանձնառությամբ: Իրենց ապրանքանիշի վաճառքից ստացված հասույթը օգնում է անվճար մասնագիտական ծառայություններ մատուցել սոցիալապես անապահով երեխաներին:
ԶարՄանը թիրախավորում է 3 տարեկան և վեր երեխաներին՝ նպատակ ունենալով հասնել մանկապարտեզներ, դպրոցներ, զարգացման կենտրոններ և մանկավարժական և հոգեբանական գնահատման կենտրոններ: Ընդլայնելով իրենց արտադրությունը, բարելավելով խաղալիքների որակը և գրավելով նոր շուկաներ՝ ԶարՄանը նպատակ ունի երկարատև ազդեցություն ունենալ երեխաների կյանքի վրա:
TMM` Սովորեցրու Ինձ Ավելին Ուսուցման և Զարգացման Կենտրոն ՀԿ
TMM Soft-ը սոցիալական ձեռնարկություն է, որը հիմնադրվել է 2020 թվականին, որի առաքելությունն է ստեղծել աշխատանքի հնարավորություններ աուտիզմի սպեկտրի խանգարում (ԱՍԽ) ունեցող անձանց համար՝ հյուսվածքների արտադրության միջոցով: Տրամադրելով աշխատատեղեր՝ TMM Soft-ը նպատակ ունի աջակցել ԱՍԽ ունեցող անհատների ինտեգրմանը հասարակության մեջ և խթանել իրենց անկախությունը: Նրանց մոտեցումը ներառում է վերապատրաստման և զարգացման ծրագիր, որտեղ ԱՍԽ ունեցող դեռահասները ձեռք են բերում էական հմտություններ նախքան արտադրական գործընթացին միանալը: TMM Soft-ի առաջնային շահառուներն են ԱՍԽ ունեցող 11-22 տարեկան երիտասարդները, ովքեր ինտեգրման փուլ են անցնում «Սովորեցրու ինձ ավելին» վերապատրաստման և զարգացման կենտրոնում: Ավելին, այս դեռահասների ծնողները կարող են օգտվել լրացուցիչ աշխատանք գտնելու հնարավորությունից:
TMM Soft-ը նախատեսում է ընդլայնել իր արտադրական կարողությունները, ընդլայնել իր պրոֆեսիոնալ թիմը և բացահայտել նոր շուկաներ ինչպես ներքին, այնպես էլ միջազգային մակարդակում: TMM Soft-ը նպատակ ունի տևական ազդեցություն ունենալ մարդկային կյանքերի վրա:
Արեգակ Բեյքրի
«Արեգակ Բեյքրի»-ն Հայաստանում առաջին ներառական սրճարանն է, որը հաշմանդամություն ունեցող երիտասարդների և իրենց մայրերի համար աշխատանքի հնարավորություն ընձեռելու հայեցակարգի առաջին իրականացնողներից է: Այս արհեստավոր հացթխարան-սրճարանն առաջարկում է ոչ միայն ֆրանսիական և իտալական համեղ հացաբուլկեղեն, այլև մարտահրավեր է նետում հաշմանդամության վերաբերյալ կարծրատիպերին: Գործի մեջ ցուցադրելով հաշմանդամություն ունեցող անձանց կարողությունները՝ «Արեգակ Բեյքրին» նպատակ ունի փոխել մարդկանց տեսակետները և խթանել ավելի ներառական հասարակություն: Գտնվելով Գյումրիում` «Արեգակ Բեյքրին» հիմնականում սպասարկում է միջինից բարձր և բարձր սոցիալ-տնտեսական կարգավիճակ ունեցող հաճախորդներին:
«Արեգակ»-ի թիմը հավակնոտ ծրագրեր ունի ավելի ընդլայնելու իր ազդեցությունն ու հասանելիությունը: Նրա ներկայիս նպատակներից մեկն է ստեղծել ավելի մեծ, պարփակված բացօթյա տարածք ներկայիս սրճարանի համար և գտնել ուղիներ՝ բարելավելու դրա գործառնական արդյունավետությունը: Միևնույն ժամանակ, նրա երկարաժամկետ նպատակն է ընդլայնել սննդի ծառայությունները՝ հնարավորություն տալով նրանց սպասարկել ավելի լայն հաճախորդների սեկտոր և մասնակցել տարբեր միջոցառումների: «Արեգակ»-ը նպատակ ունի ընդլայնել իր վերապատրաստման ծրագրերը՝ հաշմանդամություն ունեցող և այլ խոցելի երիտասարդներին զինելով արժեքավոր հմտություններով, որոնք կարող են բարելավել նրանց աշխատունակությունը: Ինչպես ԶարՄանը, այնպես էլ «Արեգակ», իր շահույթը հիմնականում վերաներդնում է իր հիմնադրամի թերապիայի կենտրոնում:
ՎԻԱ Ֆոնդին միացած չորս նոր ընկերությունները բիզնեսի վառ օրինակներ են, որոնք ոչ միայն շահույթ ստանալուն են առաջնահերթություն տալիս այլ նաև սոցիալական ազդեցությանը: Այս ընկերությունները հզորացնում են խոցելի կանանց, արհեստավորներին, հաշմանդամություն ունեցող անձանց և երեխաներին` կայուն եկամուտի հնարավորությունների, կրթական խաղալիքների, զբաղվածության ծրագրերի և ներառական զբաղվածության պրակտիկայի միջոցով:
Նրանց առաքելություններն ու ջանքերը ոչ միայն նպաստում են Հայաստանի տնտեսական զարգացմանը, այլև ստեղծում են ավելի ներառական և կայուն հասարակություն։
ՎԻԱ Ֆոնդը հպարտ է աջակցելու այս ընկերություններին փոփոխություններ իրականացնելու իրենց ճանապարհին և ոգևորված է այն դրական վերափոխումներով, որոնք նրանք կբերեն Հայաստանի սոցիալական և բիզնես դաշտ: Միասին մենք կարող ենք ստեղծել ավելի կայուն ապագա բոլորի համար:
